Breyting á lögum um kynrænt sjálfræði (aldursskráning)
Samkvæmt bráðabirgðaákvæði II í lögum um kynrænt sjálfræði nr. 80/2019 var kveðið á um skipan starfshóps sem var meðal annars falið að endurskoða aldursviðmið laganna til lækkunar vegna réttar til að breyta skráningu kyns. Frumvarpið byggir á tillögum starfshópsins.
Ferill í Samráðsgátt
- Birt í Samráðsgátt (S-142/2020)
- Umsagnarfrestur hefst · til 28. ágúst 2020
- Umsagnarfresti lýkur · 4 umsagnir bárust
- Niðurstöður samráðs birtar
Niðurstöður samráðs (22. júní 2021)
Frumvarpið var samþykkt sem lög frá Alþingi 16. desember 2020. Í 5. kafla í greinargerð með frumvarpi til laganna er fjallað um umsagnir í samráðsgáttinni.
Innsendar umsagnir í Samráðsgátt (4)
- #1Guðlaugur Ingi Hauksson
Nú á tímum þegar skilningur á þessu máli er eins mikill og hann er, þá opna börn fyrr á tjáningu kynvitundar. Sonur minn fæddist í líkama stúlku, en 4-5 ára var hann orðinn strákalegri en ég á þeim aldri. Þess vegna tel ég að ekki sé nógu langt gengið með þessum lögum og mundi vilja sjá aldurinn 12 ára. Ennfremur þarf að skoða hvort ekki megi leyfa krökkum að vera samferða jafnöldrum sínum gegnum kynþroskann, en þá er ég að tala um örlítið af kynhormónum upplifaðs kyns, ásamt þeim blokkerum sem nú eru almennt gefnir. Sonur minn er 12 ára núna og sér nú hvern vininn á fætur öðrum fara í mút… Lesa alla
Nú á tímum þegar skilningur á þessu máli er eins mikill og hann er, þá opna börn fyrr á tjáningu kynvitundar. Sonur minn fæddist í líkama stúlku, en 4-5 ára var hann orðinn strákalegri en ég á þeim aldri. Þess vegna tel ég að ekki sé nógu langt gengið með þessum lögum og mundi vilja sjá aldurinn 12 ára. Ennfremur þarf að skoða hvort ekki megi leyfa krökkum að vera samferða jafnöldrum sínum gegnum kynþroskann, en þá er ég að tala um örlítið af kynhormónum upplifaðs kyns, ásamt þeim blokkerum sem nú eru almennt gefnir. Sonur minn er 12 ára núna og sér nú hvern vininn á fætur öðrum fara í mútur. Í fótboltanum eru strákarnir líka orðnir skotfastari, harkalegri og grimmari, en sonur minn fær líklega ekkert testósterón fyrr en eftir dúk og disk - og hann upplifir ósanngirni og mismunun í þessu. Þarna vantar lagaheimild fyrir að minnsta kosti þónokkurn hóp transbarna.
- #2Trans Ísland, félag transgender fólks á Íslandi
Góðan dag, Umsögn Trans Íslands, félags trans fólks á Íslandi, má finna í viðhengi. F. h. Trans Íslands, félags trans fólks á Íslandi Ugla Stefanía Kristjönudóttir Jónsdóttir, Formaður
- #3Samtökin '78,félag hinsegin fólks á Íslandi
Til þess er málið varðar. Umsögn Samtakanna '78 - félag hinsegin fólks á Íslandi, má finna hér í viðhengi. F. h. Samtakanna '78 Daníel E. Arnarsson, framkvæmdastjóri Þorbjörg Þorvaldsdóttir, formaður
- #4Þóra Jónsdóttir
Umsögn Barnaheilla – Save the Children á Íslandi um drög að frumvarpi til laga um breytingu á lögum um kynrænt sjálfræði nr. 80/2019 (breytt aldursviðmið) Barnaheill - Save the Children á Íslandi fagna framkomnum drögum að frumvarpi og lýsa ánægju sinni yfir þeirri viðurkenningu sem komin er fram á rétti barna til þátttöku í ákvörðunum um aðgerðir til varanlegrar breytingar á ódæmigerðum kyneinkennum sínum. Barnaheill styðja við efni draganna í þeirri mynd sem þau nú eru og telja stigið heillaskref í átt að aukinni virðingu gagnvart mannréttindum barna. Hvað varðar ákvörðun um hven… Lesa alla
Umsögn Barnaheilla – Save the Children á Íslandi um drög að frumvarpi til laga um breytingu á lögum um kynrænt sjálfræði nr. 80/2019 (breytt aldursviðmið) Barnaheill - Save the Children á Íslandi fagna framkomnum drögum að frumvarpi og lýsa ánægju sinni yfir þeirri viðurkenningu sem komin er fram á rétti barna til þátttöku í ákvörðunum um aðgerðir til varanlegrar breytingar á ódæmigerðum kyneinkennum sínum. Barnaheill styðja við efni draganna í þeirri mynd sem þau nú eru og telja stigið heillaskref í átt að aukinni virðingu gagnvart mannréttindum barna. Hvað varðar ákvörðun um hvenær barni gefst færi á að breyta skráningu á kyni sínu þá styðja Barnaheill við að börnum gefist færi á því við 15 ára aldur eins og lagt er til í frumvarpsdrögunum. Hins vegar hvetja Barnaheill til þess að börnum verði gert kleift að breyta skráningu sinni fyrr ef, að lokinni ítarlegri skoðun og mati á lífi barns í samráði við barnið og forsjárfólk þess, það er ljóst að barnið vill að skráningu kyns síns verði breytt og talið er ljóst að það eigi við. Barnaheill hvetja til þess að frumvarpið verði lagt fyrir Alþingi sem fyrst til samþykktar. Barnaheill vinna að bættum mannréttindum barna og hafa Barnasáttmálann að leiðarljósi í öllu sínu starfi
Umsagnir eru birtar eins og Samráðsgáttin birtir þær, með nafni sendanda. Umsagnir sem sendandi óskaði að yrðu ekki birtar eru ekki hér. Heimild: Samráðsgátt stjórnvalda.